Оддел за популаризација на книжен фонд

Организирање на програмски активности за популаризација на книгата и читањето и афирмирањето на националната литература и литературата на сите национални единици во земјата, промоции на книги, тематски изложби, литературни читања, литературни средби, изложби, презентации, семинари, три-би¬ни, проекции, одбележување на значајни јубилеи, концерти, театарски претстави, средби и портрети на афирмирани и млади автори, организирање на литературни наградни конкурси и други манифестации, со цел збогатување на јавниот и културниот живот во градот. Градската библиотека го организира општинскиот натпревар „Млади библиотекари“. Натпреварот се спроведува секоја година во месец октомври. Учествуваат ученици од сите основни училишта во Скопје. Традиционалната манифестација „Читател рекордер“ е во организација на библиотеката. Секој член на Градската библиотека „Браќа Миладиновци“ има можност да биде читател рекордер. Библиотеката, за најредовните читатели и за оние кои прочитале најмногу книги во текот на годината, доделува награди. Библиотеката организира дебати и конференции на кои се третираат теми од областа на библиотекарската наука и библиотечната дејност.