Корица на книгата

Градската библиотека „Браќа Миладиновци“- Скопје има чест да ве покани на промоција на поетската книга „Човек“ од Јовица Ивановски, добитник на наградата „Браќа Миладиновци“ на Струшките вечери на поезијата за 2019 година. За наградената книга ќе зборува Владимир Мартиновски а стихови ќе интерпретира актерот Владимир Петровиќ.Настанот ќе се одржи на 13 ноември (среда) 2019 година во Спомен - соба на Миладиновци со почеток во 12:00 часот.Јовица Ивановски е роден 1961 година. Автор е на 14 поетски книги. Со поетски избори е преведен на англиски и српски јазик а делови од неговото творештво се преведени на петнасет јазици и е застапен во повеќе антологиски избори на македонската поезија. Еден е од шесте автори застапени во двојазичната книга Шест македонски поети објавена во Англија 2011 година.Добитник е на престижната награда „Браќа Миладиновци“ на Струшките вечери на поезијата за книгата „Човек“ во 2019 година.