Делегација од ЈУ Градска библиотека „Браќа Миладиновци“ Скопје
Делегација од ЈУ Градска библиотека „Браќа Миладиновци“ Скопје предводена од директорката Сузана Данаилова оствари посета на Град Нинберг на покана на директорката на Градската библиотека во Нинберг, г-ѓа Elisabeth Strater. На работната средба беше договорено потпишување на Меморандум за соработка и планирање на активности за организирање на германско катче во просториите на Градската библиотека „Браќа Миладиновци“ Скопје. Во рамки на својата програма за работење и проектот за меѓународна соработка и како резултат на долгогодишната соработка помеѓу двете библиотеки делегацијата од Градската библиотека Скопје реализира работна посета на четири библиотеки во Нинберг при што членовите на делегацијата, библиотекари, се запознаа со процесите на библиотечното работење и системот на германските библиотеки.
