Одбележување на светскиот ден на планетата земја
На 22 април (понеделник) во организација на ЈУ Градска библиотека „Браќа Миладиновци “ - Скопје се одбележа Светскиот ден на планетата земја, преку реализирање на настанот „Хортикултурна библиотека“ во соработка со учениците од ДСУ „Георги Димитров“ - Скопје отсек - хортикултура и учениците од второ одделение од ОУ „Коле Неделковски“. Целта на овој проект е децата уште од најрана возраст да ја развијат свеста за зачувување на зеленилото, екологијата и за сите нејзини придобивки за здрава животна средина. Овој настан е од едукативен карактер преку кој малите учат од поголемите учениците од средното училиште заедно со нивните професори. Учениците не само што научија за одгледување на цвеќето, тие истовремено се запознаа и со лековитите билки и нивното значење за здравјето на луѓето. Покрај оваа активнос се потпиша и меморандум за соработка помеѓу двете институции Градската библиотека „Браќа Миладиновци “ - Скопје и средното училиште ДСУ „Георги Димитров“ - Скопје .
