Чествување на празникот „св. Климент Охридски“ во библиотеката „Другарче“
Во библиотеката „Другарче“ се одржа XII литературна манифестација по повод празникот Св. Климент Охридски. Со учество на ученици од Р. Србија оваа манифестација доби статус на меѓународна. Доделени се награди на учениците од 17 основни училишта, кои учествуваа на литературниот конкурс на тема „Моќта на словото“. Гран При награди се доделени на: Сара Цветкова од ООУ „Мирче Ацев“ за прозен текст, Анастазија Габроска од ООУ „Јохан Х. Песталоци“ за поезија и Јелена Лазиќ од ОШ „Други шумадијски одред“ од Велика Плана – Марковац (Р. Србија) Голема благодарност до учениците од ООУ „Аврам Писевски“ кои ја збогатија манифестацијата со рецитација на песна на знаковен јазик, ритмички настап и хорска изведба на песната „Градот убав“.
