Чествување на Анте Поповски

На 18 март 2021 година, со почеток во 12.00 часот во ЈУ Градска библиотека „Браќа Миладиновци“ - Скопје, се одржи честување на големиот македонски поет Анте Поповски. По повод 90 години од неговото раѓање беседа за неговото творештво одржа проф. д-р Кристина Николовска, а стихови од неговата поезија рецитираше актерката Јована Спасиќ.

Настанот се одржи во спомен-собата на Миладиновци согласно пропишаните мерки за одржување културни настани во присуство на членовите на семејството на Анте Поповски.

Во својата беседа професорката Николовска ги истакна важноста и големината на поезијата на Поповски на македонската книжевна мапа, нагласуваќи ги лирските дострели на овој поет како едни од најголемите и најсигнификантните во современата македонска поезија.

×Close